Chhintakasi

Chhintakasi

Main kisi kaam se bahar gaya gua tha, jahan gaya tha wahan bahut se school the….school mein chhuti ho chuki thi to sabhi bacche apne-2 ghar ko ja rahe the…bheed ke karan traffic jaam ho gaya esliye road ke side main apni bike ke sath khada ho gaya…bagal se mere paidal ladkiyan ja rahi thi usi time kuch gandi manshikta ke bacche jo coaching ja rahe the ve bhi khade the aur ladkiyon par gande comment maar rahe the jo kuch aisa tha ~ kya maal hai…….Bechari ladkiyan bina kuch bole wahan se jaldi-2 nikal jane lagi kyonki kuch kar nahi sakti thi unka virodh nahi kar sakti thi.Main apne aap ko rok nahi paya aur un ladko se bola ki aap sabhi ko aisa nahi bolna chahiye tha…tab unme se ek ne bola mujhse kya hua yaar maja aa raha hai….Main us time unse wahan bahas to kar nahi sakta tha sath hi yah sochne laga ki ye cheeje, ye burai kaise khatam ki jaye ?? Tab jakar khudi se answer mila ki yadi meri bahan yahan hoti aur koi uspar comment karta to kya aise hi chup rahta main ?? Maybe not..

Es burai ko koi aur nahi balki hum aur aap hi milkar khatam kar sakte hain kaise niche padhiye ~
Yadi kabhi bhi, kahin bhi koi banda kisi ladki par aapke saamne comment kare to yah sochiye us ladki ki jagah jise aap nahi jante uski jagah apki sister hoti to saamne wale ladke ka kya haal karte pakka hai uske face ka map change kar dete aur yahi sahi hota…Har chhintakasi karne wale ladke ka virodh kariye tab jakar kahin samaaj mein badlaav aayega aur ladkiyan kahin bhi befikr ja sakengi...

Dhanyavaad !

Acid Attack Kyon ???

Acid Attack Kyon ?

Bhai kyon kisi ke upar acid dalte ya dalvate ho ? esko karne se kaun sa UPSC ka exam clear kar lete ho ?

Yah karne ya karvane se pahle yah khayal nahi aata kya ki yadi vahi acid apne upar pade to kya haal hoga ?

Kyn Kyn Kyn apne ko yah karne dete ho ? saamne wala apka kya bigada hai ? kya usne kah diya ki ego hurt ho gaya apka ? Kuch yadi bol bhi diya to yah socho na ki mere mein kya kami rah gayi usko jakar door karo na.

Please soch badlo yaar, aisa news sunkar bahut dukh hota hai yadi hum thoda sa jal jate hain to kitna dard hota hai to saamne wale ka aap jivan barbaad kyon kar dete ho ? Please apni kamiyo ko door karne ki kosis karein jab koi apki kami bataye ya batane ki kosis kare aur use dil se thanks bole ki uske karan apmein sudhaar aayega………pls aage se aisa khyal bhi apne andar na aane dein aur acid attack ka naam bhi bhool jayein.

Cute Little Girls Pics

Shot By Ayush
www.facebook.com/trustworthyfriend

Social Sites par aisa kya share karein jo time waste hone se bachaye aur aisa kya share karein jo fayada pahuchaye

Social Sites par aisa kya share karein jo time waste hone se bachaye aur aisa kya share karein jo fayada pahuchaye

Har social sites jispar log apne vichaar,location,kya kar rahe hain kisi samay ko update karte hain, Sabhi prakaar ke social sites 2002-2006 ke beech mein hi aaye hain.Samay ke sath jaise har cheejo mein badlav aata hai theek vaise badlav esme bhi aaye hain,kai suvidhaon ko joda gya hai esme…seedhe us mudde par aata hoon jo ki es post ke madhyam se kahna chahta hoon….pls read carefully..

Social sites par adhiktar log pics hi upload karte hain to usi baat par charcha karta hoon ki yadi pics upload kar hi rahein hain to kis tarah ki pics upload karein jisse samay ka nuksaan na ho aur kya upload karein jisse samay ka sahi use ho sake aur apke sath – sath dosto ko bhi apke post se fayada mile.

Maan lijiye aap kisi hero-heroin ki pics upload karte hain to vah pic apke friends ki timeline mein show hoga aur kuch like,comment milega jisse apko 1% ka bhi fayada nahi hone wala hai aur na hoga.

Mere vichaar se aise pics upload karein jo aane wale time ke liye helpful bane jaise apke exam ke liye,sanskaaro ke liye etc. ap jante hi hain aisi pics ko…mana aap padhai kar rahe hain to lagataar padh to sakte nahi usi beech jo padh rahe hain usi mein kisi topic ki pic google se search karke uske bare mein likh kar post kariye jisse apke sath- 2  apke dosto ko bhi fayada mile.

Kabhi kabhaar jab man ube to chhoti stories , shayarian , joke , poem likhein aur use post karein jisse sochne ki kshmta badhegi aur logo ko accha bhi lagega apko tareef bhi milegi apne dwara banayi gayi drawing bhi post kar sakte hain..

Photos mein phir aate hain…pics apne dwara kheenchi hui upoad kariye to apko accha lagega jab log uski sacchi tareef kareinge…

Ayush Jaiswal,

Sonha bajar basti u.p

272190.

Facebook par kuch saudhaniyan behad jaruri hain Khash kar Girls ke liye

Aaj kal adhiktar log jo ki apna friend circle badhana chahte hain,social networking sites se judne ki kosis kar rahe hain….ye bahut acchi baat hai lekin har cheej ke do pahlu hote hain ek accha aur ek bura….to main khaash kar yah post mera badi bahno,chhoti bahno,dost,classmates ke liye  kar raha hoon…Dhyan se padhein…

Shruvat mein adhiktar aisa hota hai ki koi ladki yadi apna account jaise facebook maan lijiye mein kholti hai to to usme detail bharne hote hain…to detail to bhar dena chahiye lekin yah dhyan rahe ki apke bhare detail ko kaun dekhe iski setting turant kar deni chahiye..aur mobile number yadi fill ki hon to usko only me par set kar dena chahiye.

Maine yah dekha hai apne experience mein yadi koi ladki anjane mein yadi apni pic upload kar deti hai to uske pic ka log misuse bhi karte hain fake id banane jaise cheejo mein…..ladkiyon ko facebook par apni pics galti se bhi nahi daalne chahiye..aur anjaan user ko chatting ke time bhi  pics nahi dene chahiye jisko ap real world mein nahi kabhi mile hon to na dein pics…

Yah baat sach hai ki girls ko boys ki tulna mein jyada friend request aate hain..to anjaan logo ki friend req. recieve karne se bachein yadi aap kar bhi leti hain to yadi bana hua dost bura lage to apne profile se use turant unfriend kar dena chahiye.

Social sites ka real world mein bahut effect padta hai..jaise galat comment milne par aap jhallajate hain..to tenson na lein kyonki fb kuch dene wala nahi hai..

Jate – 2 Girls pls don’t and never upload your pics on fb or on anyother social sites.

Be always behave good

Ladkiyon  par Atyachaar na ho please

Ek video jo ki bus 2 minute ki thi use dekhne ke baad yah sochne par majboor hona pada ki aakhirkaar ladkiyan ladko dwara julm ka shikar kyon hoti hain ?

Video mein jo tha vo es prakaar tha ki bachpan mein jab koi ladka rota hai to use uski family ke sadasya chup yah karakar karte ki ladke rote nahi hain, aise kai example use kiye gaye the.

Video ke end mein tha ki ladka apni hi girlfriend ko peetta hai aur us ladki ka hath bhi ainth deta hai, use dekhkar ankho mein mere pani aa gaya kyonki mujhe ladkiyon ki fikr hai.

Video ke samapan ke samay yah sandesh diya jata hai ki ladko ko yah sikhaya jaye ki ladke rulate nahi hain. Yah Vichaar yadi samaaj mein faile to jaroor ladkiyon par julm kam ho jayega.

Ayush_Jaiswal,

Honour Killing Bahut Hi Sharm Ki Baat Hai

Honour Killing Bahut Hi Sharm Ki Baat Hai

Aaj kal honour killing jaise aam baat ho gayi hai, honour killing ka matlab shayad yahi hota hai ki ijjat ke liye khoon kar dena ki ijjat na jaye.Aise case adhiktar gharo mein hi hote hain jiske jimmedar parivaar wale hi hote hain. Aisi ghatnayein mahilaon ki suraksha par savaal uthane aur sochne ko majboor karte hain jinse hamare aage ka bhavisya taiyar hona hai use kyon mara ja raha hai akhirkar unki galti hi kya hai?

Aise Maamle tab aate hain jab kisi ki bahan,beti,patni etc. kisi anya jaati ke vyakti ke sath prem kar leti hai aur uske sath ghar chhodkar bhaag jati hai. Ab baat yah aati hai ki aisa hota kyon hai chaliye hum hi bata dete hain Jab apni beti ko nahi samjhaoge ,pyar nahi karoge apni bahan ko sammaan nahi doge uski baat andhekhi karoge, patni ko bhi pyar, respect nahi karoge aur use naukarani  samjhoge to kya inki jindgi jindgi nahi hai ? Betiyan, Bahan, Patni Insaan nahi hain kya ?

Ab yadi aap apni beti , bahan ki baat ko samjhne ki kosis karenge, unki life mein kya ho raha hai vein khush hain ki nahi dhyan nahi denge to bataiye kya hoga ?

Ab yah maan lijiye ki apko kisi tarah se yah khabar lag gayi ki apki Beti ka prem-prasang chal raha hai kisi ladke se to aap yahi karenge beti ko marenge, ladke ko dhamkayeinge, beti ki padhai rukwayenge, yahi sab karenge na ?

Apko karna kya chahiye apko ayush batayega…Suniye to sahi…

Maan lijiye apko pata chal gaya beti ke relation ke bare mein to gussa na karke beti ke pass jayiye aur usse baat kariye es prakaar –

Yadi tum jisse pyar karti ho aur wah bhi tum se pyar karta hai to future mein shadi kara denge itna sunte  beti ho jayegi khush tab aur yah bhi boliyega…Lekin uske pahle apko padhai poori karni padegi aur ladke ko apne pair par khada hona padega nahi to o kamayega kya aur khilayega kya ? Beti jaroor manegi yadi ladka accha hoga to jarur career banane mein lag jayega nahi to beti se kinara kar lega aur beti ko bura bhi nahi lagega, sabak bhi seekh jayegi beti….yadi accha hua ladka to to aur acchi baat hai na ??

Abhi baat baki hai…Pyar Ishwar ki dein hai koi esse bach nahi sakta hai aur yah bahut hi nek dein hai eske bina jindgi niras ke siva kuch nahi hai...Chhota hoon abhi par janta hoon.

Kuch log betiyon ko jinda jalakar maar dete hain Ki unki naak na kate, Ijjat na jaye, sammaan bacha rahe ye sochiye ki yadi aapne apni beti ka khoon kar diya aur pakde gaye aur jail mein daal diye gaye to newspaper mein to yah baat jaroor niklegi to usse naam hoga kya ???

Aur yadi aap apne beti ko uske pyar se mila doge to samaaj ke log apki tareef karenge aur khud sudhrenge..

Apke Apne Ayush Jaiswal Ke vichaar hain bura laga ho to kshma kijiyega..